雞肉韮菜粉絲水餃 Chicken Dumpling

材料:
水餃皮、絞雞肉、韮菜、粉絲、雞蛋、水、鹽、豉油、糖

ポン酢蕃茄汁青瓜豬扒 Pork Loin with Cucumber in Tomato Sauce

今次用咗無骨豬扒, 比較瘦 d, 要揼多兩揼先至攞去煎~

材料:
蒜蓉、豬扒、青瓜、diced tomato、茄汁、豉油、水、糖、ponzu sauce

冬菇蝦米臘腸電飯煲有味飯 Rice with Preserved Sausages, Shitake and Dried Shrimps

超簡單美味電飯煲飯, 唔再係白飯咁簡單~

材料:

冬菇、蝦米、臘腸兩條、油菜莖

蝦米浸軟; 冬菇浸軟, 去艼, 切幼粒, 用豉油糖醃一陣; 臘腸用熱水洗一洗, 切薄片; 油菜莖切粒

米洗好, 放電飯煲(比平時用少小小水, 因為冬菇有水份) 我用咗半杯 brown rice, 兩杯 white rice (brown rice 要先煮五分鐘 or 用滾水焗十五分鐘至軟身)

電飯煲按製煮五至十分鐘至滾, 放其他材料煮至跳製焗五分鐘食得!

咸魚雞粒炒飯配生菜 Fried Rice with Chicken, Lettuce, and Salted Fish

忙緊忙緊, please bear with me my friends ! !

點樣喺忙裡偷閒減減壓, 生活得 balance 又可以煮餐飯仔, 真係要時間調節 & adjust 架!~

講真 e 度個個都忙, 好多人都會話邊有時間煮, 尢其要返工啦~ 不過我就覺得可以食得健康 d 都係值得嘅!~

材料:
雞肉、咸魚、生菜、雞蛋、洋蔥、飯、鹽、豉油、糖、紹酒

食剩咗嘅飯, 最好就用黎炒嘞!

雞肉切粒用豉油糖醃一陣, 咸魚去骨起肉切微粒, 生菜洗淨切絲, 洋蔥切粒, 雞蛋加少少鹽拂匀

先爆洋蔥至變色 & 發出香味兜起, 煎雞粒至九成熟灒灒酒兜起, 咸魚炒香兜起

起鑊炒冷飯, 兜匀兜散加咸魚雞粒洋蔥回鑊, 炒炒炒, 炒到咁上吓加雞蛋兜匀, 再加一半生菜兜兩兜搞掂, 再放剩餘生菜係面食嗰時先撈匀咁賣相係咪靚呀~ ;P

雙菇寬條扁粉絲扒紹菜 Mushrooms and Mungbean Noodles over Napa Cabbage

好快就黎 2011 喇, 你地準備好去迎接未呀?

2010 好嘅唔好嘅, 都好快成為過去. 成為歷史嘅新一頁.
開心嘅就繼續開心 d 啦, 唔開心嘅就要放開 d 睇開 d 喇~

新年新希望!!~ ^^

材料:
金菇、蠔菇、寬條扁粉絲、蝦米、黑胡椒、豉油、糖、薑片

濕炒豬米 Stir-Fried Vermicelli with Pork, Bean Sprouts and Carrots

人地有乾炒牛河, 我就有濕炒豬米!
本來唔係諗住煮 e 個架. 不過大頭蝦解凍解錯咗豬肉.
原本想解雞脾肉整個日式 curry 嘅, hahaha. 不過唔緊要, 做事最緊要識變通嘛~
咁咪將錯就錯 lor, 黎個濕炒豬米啦~ heehee, 其實只要 enjoy 個過程, 就可以有好多喜樂架喇! ^^

材料:
米粉、豬肉、芽菜、紅蘿白、水、雞湯、鹽、糖、豉油、蠔油、蔥

合桃火腿波菜沙律 Ham and Walnut Spinach Salad

食唔晒 d ham, 用黎 mix salad 啦!!~
加 d candied walnut, taste very good 架!!~ ^^

Ingredients:
spinach
ham
glazed walnut
lemon juice
olive oil

撈撈撈撈, 搞掂!

韓國粉絲 Korean Glass Noodles with Pork and Vegetables (Chap Chae 잡 채)

Ingredients:
glass noodles
onions
carrots
spinach
pork
green onions
garlic
sesame oil
soy sauce
brown sugar
cider vinegar
white sugar
salt

Directions:
* Cut pork into pieces. Marinade with soy sauce, white sugar and salt for 20 minutes.
* Cook glass noodles in boiling water for about 7 minutes; refresh in cold water; drain well.
* Mix sesame oil, soy sauce, brown sugar and cider vinegar in a bowl, set aside.
* Slice onions, shred carrots and green onions; minced garlic. Rinse and remove roots of spinach; drain, and set aside.
* Heat oil in skillet, stir-fry pork till medium well. Remove from pan.
* Heat oil in a deep skillet over high heat, stir-fry onions, carrots and garlic for about 3 minutes; add spinach and half green onions, stir-fry for another minute. Add pork, glass noodles and soy sauce mixture. Simmer, stirring occasionally till most liquid is absorbed. Remove from skillet, garnish with green onions on top and ready to serve.

蠔油豆腐雞球配生菜 Tofu and Chicken Over Lettuce with Oyster Sauce

材料:
豆腐、雞肉、生菜、蠔油、生抽、老抽、糖、鹽、蔥

做法:
1. 雞肉用蠔油、生抽、糖、鹽醃半小時; 豆腐切粒備用。
2. 生菜放滾水煮三分鐘兜起放碟上備用。
3. 熱鑊落油, 放雞肉, 半煎半炒至七成熟, 加豆腐、老抽&水, 加蓋煮四分鐘搞掂, 兜起放生菜上加蔥花食得。

雙丸芋絲配波菜 Fish and Squid Ball with Shirataki Noodles and Spinach

肥肥瘦瘦肥肥瘦!
自從再次屈親腳, 成個月行唔到之後, 都無點樣做劇烈運動了.
再加上拍拖出街食食食, 一年過去, 就係咁肥肥肥落去了.
從今天起, 要從長計議先得!~

自我檢討, 之前減過咁多次肥, 都係好極端地減, 一個星期做最少五日 gym, 仲會一日兩次, lunch time 去, 放左工又去. 超癲! 仲要戒埋澱粉質, 個人成日都好"支力" 呀!
今次立志, 要健康&平衡地減. 可能煮嘅野食會無咁香濃肥味, 希望睇開我 blog 嘅網友唔會咁樣走左去啦!!~

不過, 我諗好多人都係 keep fit 派~
一起食得健康點吧!!~ ^^

今次煮左個雙丸芋絲波菜. 有墨魚丸& 好得意嘅魚包蛋. 魚包蛋係台灣出品~ 魚蛋入面有魚籽 (fish ball with roe), 幾好食架! 加埋芋絲&波菜, 好有包肚感. 減肥食芋絲就最啱, 芋絲卡路里好低, 我地一般人所需要用嘅 energy 去消化芋絲係多過芋絲本身嘅卡路里, 所以芋絲係減肥勝品, 食多幾舊都唔怕.

芋絲同芋頭係無任何關係的. 芋絲 e 種低卡低 carbs 食物, 叫做 Shirataki. 主要成份係蒟蒻, konjac~ 所以話食得清 d 都可以好味架!~ ^^


芋絲 Shirataki


魚包蛋 Fish Ball with Roe

蒜蓉帶子伴西蘭花 Garlic Bay Scallops with Broccoli

減肥勝品 - 西蘭花.

西蘭花有飽肚感嘛!

不過如果脾胃唔好呢, 唔好食太多西蘭花, 因為西蘭花好多氣架, 搞到成肚氣就唔好啦!!~

材料:
5 cloves garlic
1 pack bay scallops
2 crowns broccoli
2 teaspoon salt
1/2 teaspoon pepper
1 teaspoon sugar
2 teaspoons lemon juice
2 teaspoon shaoxing wine

做法:
* Wash and cut stems off broccoli. Put into salted boiling water, boil for a few minutes. Drain well, put onto serving plate.
* Mince five cloves of garlic, set aside. Rinse scallops; pat dry with paper towel. Put oil in heated skillet, add garlic, cook over medium heat till garlic turns light brown. Stir-fry bay scallops, add salt, sugar, and pepper over high heat; stir well together. Add shaoxing wine, stir-fry for another minute. Add lemon juice right before turn off heat. Ready to serve with broccoli.

豆豉龍脷柳配西蘭花 Black Bean Fish Fillets with Broccoli

材料:
龍脷柳、豆豉、糖、鹽、雞湯、紹酒

做法:
1. 豆豉切碎龍脷柳切件備用。
2. 熱鑊落油, 爆香豆豉, 放龍脷柳每面煮兩分鐘, 灒酒, 落少許鹽、糖&雞湯加蓋煮一陣即成。

雪菜肉碎撈米 Minced Pork Rice Noodles with Pickled Cabbage

我用嘅雪菜係喺超市買一盒盒已處理好可即食嗰 d, 用黎撈麵撈米啱晒!~

材料:
絞豬肉、雪菜、米粉、蠔油、豉油、水、少少鹽、少少糖

做法:
1. 絞豬肉用豉油、鹽&糖醃一陣備用。
2. 米粉用滾水煮熟, 過冷河瀝乾水備用。
3. 熱鑊落油, 將絞豬肉炒至八成熟, 加蠔油&水, 加雪菜兜匀, 加蓋煮兩分鐘, 埋生粉芡, 鋪在米粉上, 食時撈匀搞掂。

合桃雞蛋沙律 Walnut and Egg Salad

Ingredients:
lettuce
egg
toasted walnut
dried cranberries
mandarin oranges
Asian toasted sesame dressing

白汁焗波菜龍脷 Baked Fish Filet with Spinach in Creamy Alfredo Sauce

1. 先將波菜洗淨烚熟搾乾晒水份鋪在入得焗爐嘅兜兜上。


2. 龍脷柳洗淨切細用廚房紙吸乾水份用鹽、胡椒粉&莞茜碎醃一陣然後鋪在波菜上。


3. 淋上 Creamy Alfredo Sauce。


4. 加煙肉粒 (bacon bits) 喺面。


5. 再灑上芝士碎。


6. 放入已預熱 400˚F 焗爐焗三十五分鐘左右搞掂食得。

唔記得影製成品就食左 tim!!~ wakakaa.. 因為實在係太好味!~ ;P

材料:
波菜、龍脷柳、alfredo sauce、 bacon bits、 shredded cheese、 莞茜碎、鹽、胡椒粉各適量

波菜我用左兩大扎, 因為烚完之後 d 波菜會縮水, 搾乾埋 d 水份就真係剩番唔係好多架咋!~

我用嘅係 e 隻 Classico Creamy Alfredo Sauce, 用黎煮闊條意大利麵都一流!

波菜伴粟米豬肉球 Pork Meatball with Corn and Spinach

絞豬肉加左粟米粒後更有口感, 大人&小朋友都鐘意食!!~ ;D


好開心呀!!~ 開 blog 只有四個月, 我 e 個 blog 嘅點擊次數突破一千大關喇!!~ 我又有藉口去 celebrate 一番喇!!~ yea yea yea~ ;P

材料:
絞豬肉、粟米、波菜、豉油、糖、雞粉

做法:
1. 絞豬肉用豉油、糖、雞粉醃一會。罐頭粟米瀝乾水。 波菜洗淨用滾水烚熟備用。
2. 絞豬肉&粟米粒拌勻, 用兩隻匙約略做成球狀, 放已燒熱&落油的鑊中, 用中火煎至兩面金黃, 加少許水加蓋煮數分鐘搞掂上碟, 再伴以波菜, 食得。

魚餅炒卷心菜 Pan-fried Cabbage with Fish Cake

本身唔係好"好" cabbage. 不過用黎炒魚餅又唔錯 bor!!~ ;P
魚餅我用左 Yamasa 魚餅, with Burlock (牛蒡)嗰隻. 切成一片片咁炒 d 菜黎食, 方便又好味!!~


食療知多 d:
牛蒡又叫黑根, 可促進血液循環，新陳代謝，有清熱解毒的作用，內含豐富粗纖維，能促進腸蠕動, 排除穢物，可抑制大腸癌，並預防膽固醇過高。

牛蒡同牛係無任何關係架!!! 牛蒡係植物黎架, 屬菊科草本. 外形一條條, 根形, 有 d 似人參, 花名又叫 "大力参". 好搞笑!!~

材料:
卷心菜、魚餅、洋蔥、蔥、水、雞湯、鹽、糖

做法:
1. 卷心菜洗淨切細。 魚餅切件飛水。洋蔥切細、蔥切粒備用。
2. 熱鑊落油, 炒香洋蔥, 加卷心菜加點鹽&糖炒一陣, 加點水&雞湯, 加蓋煮十分八分鐘, 加魚餅&蔥粒兜匀搞掂食得。

蟹肉蟹籽牛油果沙律 Crab Salad with Masago and Avocado

e 個 Crab Salad 係我一位去左 boston 的好朋友教我整嘅, 用罐頭嗰 d premium crab meat, 都唔錯!!! 我仲加左 lettuce, 想食多 d 菜嘛...

e 個 Crab Salad 仲有我至愛的 masago!!~ masago 係 e 個 dish 嘅精髓 o~ ^^

Ingredients:
lettuce
crab meat
masago (smelt egg)
avocado
salt
pepper
mayonnaise
lemon juice

Directions:
*Mix crab meat with salt, pepper, lemon juice, and mayonnaise. Serve over lettuce with spoonfuls of masago and slices of avocado.

手撕雞沙律 Chinese Chicken Salad

今次整左生菜手撕雞沙律, 健康好味!~ 嗰日去 grocery store 見到 roasted chicken on sale, 一大隻特價左只需要 USD$3.xx 大洋. 超抵, 三個幾, 買隻生雞都唔得啦, 何況仲要焗埋 bor!~ 唔買好似對唔住自己, wakakaka~ ;P

先將雞脾雞翼征服, 然後將其餘 d 白肉拆出黎, 用黎拌沙律, 超正!~ 再加 d 橙仔呀, 杏仁片呀, dried cranberries 呀 等等, 隨意發揮, YUM YUMM.. 你地都試下整啦!!~

Ingredients:
lettuce
roasted chicken
mandarin oranges
dried cranberries
toasted almond slices
crispy noodles
Asian toasted sesame dressing

紹菜肉丸冬粉 Mungbean Noodles with Pork Meatball and Napa Cabbage in Soup

自製豬肉波波, 絕不含防腐劑, 製法簡單, 你都試下整啦!~^^


e 隻濶條冬粉夠彈牙, 煮耐 d 都唔會爛, 唔錯唔錯!~ ;P

材料:
絞豬肉、紹菜、冬粉、雞湯、榨菜、蝦米、薑、水、豉油、糖、鹽

做法:
1. 紹菜切段洗淨。 豬肉用豉油、糖、鹽醃一會, 加少許水撈匀備用。
2. 水半煲加兩片薑, 加適量雞湯和蝦米煮滾。 豬肉用兩隻匙約略弄成圓形球狀一一放水中煮幾分鐘。
3. 冬粉、紹菜同放水中一齊煮一陣搞掂加少少豉油&榨菜, 食得!

備註:
- 醃絞豬肉整豬肉波波嘅醃料可以重手 d d, 因為煲下煲下會淡味左.
- 冬粉好索水呀, 所以起煲 d 水多少少都無緊要呢!~

Ingredients:
ground pork
napa cabbage
mungbean noodles
chicken broth
preserved veggies (pickled mustard greens)
tiny dried shrimp
ginger
water
soy sauce
sugar
salt

Directions:
* Cut napa cabbage into strips, and rinse.
* Marinade ground pork with soy sauce, sugar and salt. Combine with a little bit of water. Set aside.
* In a medium pot, bring to a boil half pot of water with a bit of chicken broth, two slices of ginger and some tiny dried shrimps.
* Shape the ground pork into balls by using two spoons, drop into pot one by one and cook for a minute or two.
* Add napa cabbage and mungbean noodles, cook until well done. Add some soy sauce and preserved veggies. Ready to serve.