五香鹵水牛展 Beef Shank

I'll be back in a few weeks. Please bear with me my friends!!~ ^^

蘿白炆牛筋腩

粟米粒焗薯伴 T-骨扒

牛扒用鹽 & 黑胡椒粉醃一醃就可以攞去煎

我用咗 half 牛油 & half olive oil, 先用大火再轉中火最後加一加蓋煎至 medium - a little to the well side!

蒜蓉磨菇西冷牛柳粒 Sirloin Steak Cube with Mushrooms in Garlic Sauce

材料:
西冷牛扒、磨菇、蒜蓉、黑胡椒、鹽、糖、蒜蓉莞茜粉、雞湯

黑椒牛柳絲炒烏冬 Stir-fried Black Pepper Beef Udon with Onions and Bell Pepper

去 Ralphs 買 milk, 又俾我見到好靚嘅牛柳條做特價, 唔抵得要買番包.
諗吓點煮好先... hmm... 雪櫃有個青椒同洋蔥, 仲有包上次打邊爐食剩嘅烏冬!
哈哈, 一於黎個黑椒牛柳絲炒烏冬啦! 有 d 港西(港式西餐)風味~

材料:
牛柳、烏冬、洋蔥、青椒、黑胡椒、鹽、糖、芫茜蒜粉、生粉、雞湯、蒜片

做法:
1. 牛柳用鹽、黑胡椒、糖、芫茜蒜粉撈匀加點油備用。
2. 洋蔥、青椒切細。 烏冬用清水沖一沖備用。
3. 臨落鑊前用生粉將牛柳快手撈匀, 熱鑊落油, 爆牛柳, 加一半蒜片繼續爆至牛柳七成熟兜起。
4. 同一個鑊, 加點油, 爆香蒜片, 加洋蔥&青椒, 爆一分鐘, 加雞湯&半杯水, 加蓋煮一兩分鐘, 注意水位。
5. 襯未乾水, 加烏冬, 煮至差不多水乾, 把牛柳回鑊再加點黑胡椒粉輕輕兜匀搞掂上碟。

免翁紐約 T-bone Porterhouse 牛扒

男朋友仔又有驚喜!!~ 今餐仲煎牛扒呢, 自家煎都可以浪漫一番, 唔一定下下去 steakhouse 食架. 最緊要係番心意 + 誠意嘛!!~ 好好味呀!!~ ;D

Large tenderloin + short loin = T-bone porterhouse. One piece contains two parts of steak cut. 一個字, 正!!~

配菜仲有紅酒 cutie 紅蘿白. 同埋蒜蓉磨菇 tim ah~ 兩個人食一塊扒, 又 sweet 又滿足!!~

洋蔥炆牛尾 Xotail Onion Stew

牛尾炆到好淋好入味呀!!~ e 個湯之前整過俾老豆食, 佢勁鍾意囉!!~ e+ 練習下遲 d 等佢過黎時再整俾佢食啦!!~ heehee~

你可以加層芝士係面, 就會變成法式洋蔥湯架喇!!~ ;P

材料:
牛尾、勁多洋蔥、紅蘿白、蒜蓉、雞湯、水、牛油、橄欖油、胡椒粉、莞茜碎

做法:
1. 牛尾洗淨抹乾, 用鹽、胡椒粉醃一會備用。
2. 洋蔥切粒, 紅蘿白切粒備用。
3. 中火起鑊落牛油橄欖油, 將牛尾煎至四面金黃, 兜起備用 。
4. 熱鑊落牛油橄欖油, 爆香蒜蓉, 落洋蔥、紅蘿白一起爆香, 加水、雞湯、牛精煮滾, 下牛尾、莞茜碎炆一個小時, 放壓力煲焗過夜即成。

備註:
- 煲好後攤凍畢走面頭一層油, 無咁肥膩健康 d!~

Loco Moco 洋蔥漢堡扒蛋飯 Hamburger Patty with Egg and Rice

洋蔥梳打餅漢堡扒加煎蛋 with 茄喼汁好醒胃! 整大塊 d 做一人一碟, 簡單方便~

e 個 dish 又有個好 cute 嘅名, 叫做 Loco Moco. 源自 Hawaii. Loco 嘅意思又解作 "crazy"~

話說喺好多年前, 有一班小朋友, 唔係有好多銀両買野食, 當時嘅漢堡包好貴, 於是, 有一個別號叫 "Crazy" 嘅小朋友, 問餐廳嘅老板可唔可以將 d 飯放碟上, 加塊漢堡扒, 再加 d gravy 喺面. 個老板收 e 個嘅價錢比漢堡包平好多, 於是乎, e 個 dish 就被改名做 Loco Moco 嘞. 個小朋友別號叫 "Crazy", 係因為佢踼足球踼得好 crazy, hahahaa.. 而 Moco 係無乜 meaning 嘅, 只係攞個音壓下韻咁囉!~ ;)


煎隻糖心蛋, 食時整穿個黃, 撈埋 d 牛肉呀, 飯呀, 醬汁一啖一口咁食, taste of paradise!!~ ;D

材料:
免治牛肉、洋蔥、梳打餅、茄汁、喼汁、豉油、糖、雞湯、水、蒜蓉芫茜粉

做法:
1. 洋蔥切細粒, 梳打餅弄碎。
2. 茄汁、喼汁、糖、水、蒜蓉芫茜粉在碗內攪匀做醬汁。
3. 熱鑊落油, 爆香 1/4 洋蔥粒至金黃, 加醬汁煮一會, 埋生粉薄芡, 畢起備用。
3. 免治牛肉用豉油、糖和少許雞湯撈匀醃一會, 加洋蔥和梳打餅拌匀, 做成圓餅形。
4. 熱鑊落油, 將牛肉餅煎香至金黃, 加少許水, 加蓋焗半分鐘搞掂上碟, 淋上醬汁即成。

蕃茄洋蔥西芹碎牛意粉 Thin Spaghetti with Ground Beef, Onions and Celery in Tomato Sauce

我返黎喇!!~ ;) Long weekend 假期就咁就完結了. 真係唔捨得都唔得. e+ 開始 plan 下個假期的計劃. 努力工作, 為了有更好的生活嘛.. 無論你嘅職業係乜, 做得開心就固然係好得要感恩, 但如果做得唔開心嘅, 就要從唔開心中找開心了. 因為無論在那裡做事, 都會有遇到問題或唔如意嘅地方. 環境不變, 別人不變, 可以改變的, 是自己的心態和想法.. 廚房, 對我黎講, 係一個幫我減壓的地方. 如何煮得最省時不費力, 是我最喜歡硏究的東西, hahahaa.. 至於好唔好食喇喎, e d 野好主觀嘅啫, 我覺得好食, 可能你覺得唔好食; 你覺得好食時, 可能我又會話唔好食, 所以, 好食就食多 d, 唔好食就食少 d, 教小朋友都係一樣啦, 唔好太遷就, 唔係寵壞晒, 到佢地大個時就慘了.. ;)


是日午餐:
紅汁蕃茄洋蔥西芹肉醬意粉, 港式得黎都唔係幾港式~ ;P

材料:
幼意粉、絞牛肉、洋蔥、西芹、蕃茄粒一罐、蕃茄醬一罐、蒜蓉、豉油、糖、雞粉、蒜蓉莞茜粉

做法:
1. 幼意粉用一大煲水煮五分鐘, 隔水備用。
2. 絞牛肉用豉油、糖、雞粉、蒜蓉莞茜粉, 加點水搞匀, 醃一會。 洋蔥、西芹切粒。
3. 熱鑊落油, 先將蒜蓉爆香, 再落洋蔥同爆, 炒一分鐘兜起。
4. 熱鑊落油, 爆香絞牛肉, 邊煎邊用鑊鏟整碎, 炒至五成熟, 加蕃茄粒和蕃茄醬, 洋蔥、西芹回鑊, 加點水, 加蓋煮滾再炆四分鐘左右, 搞掂兜起上碟。

Ingredients:
thin spaghetti
ground beef
onions
celery
1 can diced tomato
1 can tomato sauce
minced garlic
soy sauce
white sugar
chicken broth powder
garlic parsley powder

Directions:
* Cook thin spaghetti in boiling water for about 5 minutes. Drain and set aside.
* Marinade ground beef with soy sauce, white sugar, a bit of chicken broth powder, garlic parsley powder and some water. Dice onions and celery.
* Put oil in heated pan, add garlic, stir fry and add onions. Fry for a minute and remove from pan.
* Put oil in heated pan, add ground beef, cut into little pieces by the blade of spatula, fry till medium well. Add diced tomato and tomato sauce. Onions and celery back to the pan, add some water, cover, bring to a boil and simmer for about 4 minutes. Ready to serve.

Beef Stew 燉牛肉

A classic comfort food of all time - Beef Stew. With lots of meat and veggies, beef stew is a very traditional hearty dish that can surely warm you up. If you have a slow cooker crock pot, you can place all the ingredients in there, turn it on and let it do the work. It is extremely easy to make!

Ingredients:
beef
carrots
potatoes
onions
celery
beef stew seasonings
water
flour

Directions:
* Peel and cut carrots, potatoes, onions and celery into pieces. Soak potatoes in water. Cut beef into cubes. Dredge beef cubes in flour.
* Brown beef in a deep pan with oil. Add beef stew seasonings and water, bring it to a boil. Cover, and simmer for an hour.
* Add carrots, potatoes, onions and celery. Cover, and simmer for another 45 minutes. Ready to serve.

紅酒牛肉蘑菇螺絲粉 Fusilli Pasta with Beef and Mushrooms in Red Wine

得閒飲番杯, 對身體都好架! 可以減低心臟同埋血管等疾病啦, 又有抗氧化嘅功用. horhorhor.. 咁就梗係無人叫你係咁隊啦! 正所謂~ 飲得唔好 sai(浪費), 枝紅酒開左飲唔晒, 用黎煮餸就最啱. 白酒配海鮮, 紅酒配紅肉. 紅酒用黎煮牛肉, 個味好夾架! 煮嗰陣因為火力猛, 酒精都會揮發晒, 煮完小朋友應該都食得架!~ ;P

材料:
牛肉、蘑菇、洋蔥、蘆筍、螺絲粉、豉油、紅酒、茄汁、唿汁、水、糖、蒜蓉

做法:
1. 先把螺絲粉放大煲水中煮八至十分鐘, 隔水, 放碗中備用。
2. 牛肉用紅酒、豉油、糖醃一會。 洋蔥切絲, 蘑菇用掃掃乾淨, 去蒂, 略洗備用。
3. 蘆筍洗淨切段, 出水備用。 紅酒、茄汁、唿汁、水、糖放碗中撈匀做調味醬汁備用。
4. 熱鑊落油, 先將牛肉爆至七成熟, 兜起。
5. 熱鑊落油, 先爆香蒜蓉, 加入洋蔥炒一會再加磨菇同炒, 加入調味醬汁煮至滾, 牛肉回鑊一同兜匀搞掂畢起放螺絲粉上食得。

韓式牛仔骨 Korean BBQ Short Ribs with Onions

我地都鐘意 KBB蕉!
每次食燒牛仔骨, 都會想起我爸爸, 因為爸爸至愛牛仔骨. 我和爸爸相隔一萬公里, 如果乘搭飛機的時間可以再短一些, 你話多好呢?!? 遠方的思念, 只好寄情於牛仔骨! ;P 今次 e 個餸呢, 好易整架咋, 最 arm 我地 d 懶人.

材料:
牛仔骨、洋蔥、蔥、油、雞湯、Korean BBQ Sauce

做法:
1. 牛仔骨切件洗淨滴乾水份, 加入KBBQ Sauce 醃過夜.
2. 蔥切粒, 洋蔥切條, 熱鑊下油, 爆香洋蔥, 加雞湯加蓋煮 1分鐘, 兜起.
3. 將醃牛仔骨多出的 KBBQ sauce 先倒出, 備用.
4. 鑊用熱水沖洗乾淨, 抹乾, 再燒紅鑊, 加少許油, 將牛仔骨放入，大火每面煎約 1 分鐘.
5. 洋蔥回鑊, 加 KBBQ sauce, 再加蔥粒, 兜匀搞掂上碟.

煎牛仔骨鑊一定要夠紅, 油一定要夠熱, 才能立即封著牛的肉汁, 煎出美味的牛仔骨!

雙菇炒牛柳粒

牛肉千祈唔好用鹽醃，如果唔係 d 牛肉會唔腍架!~
d 菇菇可以先出左水先煮，咁就唔洗先炒熟，d 菇本身有陣 UP 味.
主要係想去左 d UP 味啦!~ 不過我有位好朋友佢比較特別，好鍾意菇菇陣除，烚菇菇人地唔要 d 水佢都會飲埋，次次整菇菇我都會諗起佢架!~ wakakaa ;D

材料 :
牛柳兩舊、磨菇、雞脾菇各一盒 、蔥、蒜頭、油 、生抽、老抽、醋、糖、黑胡椒粉、蒜蓉粉、酒各適量。

做法:
1. 牛柳切粒粒後，用生抽、醋、糖，撈匀。
2. 磨菇、雞脾菇洗淨切粒備用。
3. 白鑊將磨菇、雞脾菇粒炒至八分熟，兜起。
4. 蔥切段，蒜頭切片，熱鑊下油，加入蔥段、蒜片爆香，加入牛柳粒炒至五成熟。
5. 磨菇、雞脾菇粒回鑊，加黑胡椒粉、蒜蓉粉，灒酒炒至牛柳七成熟，搞掂上碟。