黑椒牛柳絲炒烏冬 Stir-fried Black Pepper Beef Udon with Onions and Bell Pepper

去 Ralphs 買 milk, 又俾我見到好靚嘅牛柳條做特價, 唔抵得要買番包.
諗吓點煮好先... hmm... 雪櫃有個青椒同洋蔥, 仲有包上次打邊爐食剩嘅烏冬!
哈哈, 一於黎個黑椒牛柳絲炒烏冬啦! 有 d 港西(港式西餐)風味~

材料:
牛柳、烏冬、洋蔥、青椒、黑胡椒、鹽、糖、芫茜蒜粉、生粉、雞湯、蒜片

做法:
1. 牛柳用鹽、黑胡椒、糖、芫茜蒜粉撈匀加點油備用。
2. 洋蔥、青椒切細。 烏冬用清水沖一沖備用。
3. 臨落鑊前用生粉將牛柳快手撈匀, 熱鑊落油, 爆牛柳, 加一半蒜片繼續爆至牛柳七成熟兜起。
4. 同一個鑊, 加點油, 爆香蒜片, 加洋蔥&青椒, 爆一分鐘, 加雞湯&半杯水, 加蓋煮一兩分鐘, 注意水位。
5. 襯未乾水, 加烏冬, 煮至差不多水乾, 把牛柳回鑊再加點黑胡椒粉輕輕兜匀搞掂上碟。

雞絲火腿炒烏冬 Pan-fried Udon with Chicken and Ham

Be more assertive.
肯定不代表不友善, 決斷不代表無理. 在善和惡中間, 要用忠懇的態度去表達自己的觀點和想法, 是一個要用心用意去做的課題. 不偏不綺, 立場堅定, 就好像教小朋友一樣, 小朋友要的 direction 是要清清楚楚, it isn't about maybe this or maybe that.

善 <-------------- assertive --------------> 惡

Kind yet being firm. To be firm is to be certain, definite, and determined. It is also being loving, kind and calm.

雪櫃還有兩包鳥冬, 用來煮什麼好呢? 又不太想做湯烏冬, 於是乎就地取材, 雪櫃有什麼便用什麼, 存貨還有雞有火腿有蛋有紅蘿白, 就決定來個雞絲火腿炒烏冬! 你喜歡用什麼材料炒也可以啦, 喜歡吃什麼下什麼材料都是個人喜好. 我分享我的做法, 如果可以令你有煮餸靈感的話, 已經是成功了!

材料:
烏冬兩包、雞蛋兩隻、冬菇、雞脾肉、火腿、紅蘿白、豉油、糖 、鹽 、薑 、蒜、麻油各適量

做法:
1. 薑切片 、蒜切粒, 冬菇用清水浸軟切絲, 火腿切條, 紅蘿白切片/條。
2. 雞脾洗淨起肉切細, 用少許豉油及糖醃十五分鐘備用。
2. 雞蛋加鹽打勻, 煎熟，取起切條。
3. 熱鑊落油, 爆香雞絲, 加入火腿、冬菇及紅蘿白炒至軟身。
4. 加入烏冬, 少許豉油及糖炒勻，加入麻油拌勻。
5. 最後拌入蛋條，搞掂上碟。