煎鱈魚配半紅白梅菜瘦肉飯

雪魚洗乾淨, 抹乾晒; 用鹽 & 胡椒粉醃一醃然後攞去煎

煎完一面煎第二面, 唔好反黎反去反到散晒喔

個梅菜瘦肉飯好易整架咋, 電飯煲有味飯, 食完洗野都洗少 d

梅菜用清水浸半個鐘, 中途換兩次水, 然後揸乾水切細粒, 用兩湯匙砂糖醃十分鐘

瘦肉切絲用豉油糖麻油醃十分鐘

米洗好, 我用一嘜半白米加1/2 嘜 brown rice. brown rice 先用清水喺爐度煮十分鐘, 再焗十五分鐘(然後倒去水)

白米同放電飯煲煮至水滾大約五分鐘(用平時份量嘅水減少少), 放梅菜 & 肉絲繼續煮到跳掣焗多十分鐘搞掂食得!

鰻魚飯配蛋絲 うなぎどん Unagi-don with Shredded Eggs

鰻魚飯又出動喇 ! !

真係好方便~ 焗咗條鰻魚切件加 d 鰻魚醬汁, 放飯面搞掂, 鍾意咪煎個薄蛋切絲食, e 個帶飯一流!!~ ^^

咸魚雞粒炒飯配生菜 Fried Rice with Chicken, Lettuce, and Salted Fish

忙緊忙緊, please bear with me my friends ! !

點樣喺忙裡偷閒減減壓, 生活得 balance 又可以煮餐飯仔, 真係要時間調節 & adjust 架!~

講真 e 度個個都忙, 好多人都會話邊有時間煮, 尢其要返工啦~ 不過我就覺得可以食得健康 d 都係值得嘅!~

材料:
雞肉、咸魚、生菜、雞蛋、洋蔥、飯、鹽、豉油、糖、紹酒

食剩咗嘅飯, 最好就用黎炒嘞!

雞肉切粒用豉油糖醃一陣, 咸魚去骨起肉切微粒, 生菜洗淨切絲, 洋蔥切粒, 雞蛋加少少鹽拂匀

先爆洋蔥至變色 & 發出香味兜起, 煎雞粒至九成熟灒灒酒兜起, 咸魚炒香兜起

起鑊炒冷飯, 兜匀兜散加咸魚雞粒洋蔥回鑊, 炒炒炒, 炒到咁上吓加雞蛋兜匀, 再加一半生菜兜兩兜搞掂, 再放剩餘生菜係面食嗰時先撈匀咁賣相係咪靚呀~ ;P

吞拿魚粟米蛋煲呔粉沙律 Egg Tuna Corn Salad with Bow Tie Pasta

Ingredients:
lettuce
corn
eggs
can of tuna in water
bow tie pasta
mayo
miracle whip
sour cream
dijon mustard
sugar
salt
garlic powder
parsley flakes

薑蔥焗全魚 Baked Whole Fish with Green Onions and Ginger

焗同蒸效果都係一樣~ 咁好食!!~ ;P

如果咁樣成條魚上, 去請西人食飯, 一定嚇到聽到 "I can't stand that fish!"

外國人只會食無骨嘅魚, 即係 fish filet! 食雞都係差唔多, 食白肉唔食黑肉架! 仲要無骨嗰隻~ 各人口味唔同嘛 wakaka

要和而不同咪就係咁囉! ;P

三文魚蛋白奄烈配麥包多士 Smoked Salmon Egg White Omelette with Wheat Toast

男朋友仔又一傑作: 三文魚蛋白奄烈~

前排我跟同事去 costco 買左 pack smoked salmon, 都未用晒, 我都唔知整乜野好, 又俾男朋友仔諗到煮 omelette wor. 咁 e 個重任咪交俾佢 lor! 但我又唔想食咁多蛋黃呢, 所以 request egg white only please. heehee~ e 個大廚真好人!!~ ;P

豆豉龍脷柳配西蘭花 Black Bean Fish Fillets with Broccoli

材料:
龍脷柳、豆豉、糖、鹽、雞湯、紹酒

做法:
1. 豆豉切碎龍脷柳切件備用。
2. 熱鑊落油, 爆香豆豉, 放龍脷柳每面煮兩分鐘, 灒酒, 落少許鹽、糖&雞湯加蓋煮一陣即成。

麵豉豆腐大鯖 Yellowtail with Tofu and Seaweed in Miso Broth

繼續再黎 yellowtail!~;D

第一、兩日做魚生, 第二、三日就煮啦, 試過焗條魚尾, 不過可能切得太厚身, 唔得滑口. 今次煮左個 miso 魚, 又幾好食 bor!~ 魚已經去骨起晒肉變左 filet, 用 miso 醬汁醃一陣然後攞去煎. 再煮個 miso broth + tofu. yummy in my tummy!

材料:
yellowtail
tofu
miso paste
soy sauce
mirin
sesame oil
white sugar
cornstarch
water
dried seaweed with sesame

做法:
1. 魚扒切件, 用 miso paste、 soy sauce、 mirin、 sesame oil、 white sugar 醃一陣, 撲上生粉, 熱鑊落油, 用中火煎至兩面金黃, 兜起上碟。
2. 豆腐切粒備用。 水煮滾, 放兩湯匙 miso 攪溶, 加豆腐煮一分鐘左右, 淋在魚扒上, 再灑上 dried seaweed 碎, 搞掂食得。

Yellowtail Sashimi ハマチ刺身

爸爸啱啱個 weekend 同 d 釣魚友去左墨西哥坐大船出海釣左四日魚, 收穫都好豐富呀! 有四至六條大大yellowtail. 每條最少都有二十磅呀! 好大條呀!~ 淨係條魚尾都大過我個砧板. 有排食~ haha~ 新鮮到可以用黎做魚生... 好正呀!!~ 入口溶化嗰種感覺超正!~ 阿爸送左部份魚俾佢 d 打波友&雀友之後, 剩餘嘅我諗我地仲可以黎個 hamachi (ハマチ) 勁食大賽 lor!!~ wakakka ;D

白汁焗波菜龍脷 Baked Fish Filet with Spinach in Creamy Alfredo Sauce

1. 先將波菜洗淨烚熟搾乾晒水份鋪在入得焗爐嘅兜兜上。


2. 龍脷柳洗淨切細用廚房紙吸乾水份用鹽、胡椒粉&莞茜碎醃一陣然後鋪在波菜上。


3. 淋上 Creamy Alfredo Sauce。


4. 加煙肉粒 (bacon bits) 喺面。


5. 再灑上芝士碎。


6. 放入已預熱 400˚F 焗爐焗三十五分鐘左右搞掂食得。

唔記得影製成品就食左 tim!!~ wakakaa.. 因為實在係太好味!~ ;P

材料:
波菜、龍脷柳、alfredo sauce、 bacon bits、 shredded cheese、 莞茜碎、鹽、胡椒粉各適量

波菜我用左兩大扎, 因為烚完之後 d 波菜會縮水, 搾乾埋 d 水份就真係剩番唔係好多架咋!~

我用嘅係 e 隻 Classico Creamy Alfredo Sauce, 用黎煮闊條意大利麵都一流!

花の戀三文魚 Salmon Blossom

以前喺香港食過, 教人一直念念不忘~
又靚又好食的花の戀 o~ 連個名都浪漫過人! ^^


個雪櫃有蟹柳又有蟹籽, 一於買塊靚魚生動手整.
塊魚生我喺日本超市買都唔平呀!! 要成 USD$25 一磅~

材料:
三文魚 sashimi、蟹籽、蟹柳、沙律醬

做法:
1. 蟹柳切細細粒, 撈沙律醬備用。
2. 三文魚切長形薄片, 圍成一個圈, 外面再圍多一、兩塊做個造型。
3. 中間放蟹柳沙律, 上面再放蟹籽搞掂食得。

砂鍋魚頭豆腐煲

e 個魚湯 d 味好鮮甜呀!!~ 豆腐又勁滑, 我仲加左樣新野: 米片~ 食落好似腸粉咁架(唔係粟米片呀!!! 係 Rice Flakes.. heehee) 一塊塊四四方方細細地幾好. 淨係食 e 個砂鍋魚頭豆腐都飽 lu~ 唔洗煮飯. 不過小心睇骨喎 ;)

材料:
魚頭、豆腐、米片、薑、蔥、紹酒、水、豉油、蠔油、鹽、胡椒粉、糖、麵粉、雞粉

做法:
1. 魚頭洗淨抹乾,用鹽&胡椒粉醃一陣。
2. 薑切片, 蔥切段, 豆腐切件備用。
3. 魚頭印乾水份, 撲上麵粉, 熱鑊落油, 煎魚頭至兩面金黃, 灒少許紹酒兜起。
4. 煮滾半煲水加薑加雞粉、豉油、蠔油、糖&少許紹酒, 放魚頭煮滾後再中慢火炆十五分鐘。 放豆腐、蔥段、米片再滾十分鐘搞掂食得。

粟米龍脷柳 Fish Fillet with Cream Corn

粟米龍脷夠香口又啖啖肉, 大小朋友都好鍾意食! 不過就比較麻煩, 因為要沾蛋汁又要煎煎炸. 我都好怕係屋企煎野同炸野, 一黎怕佢肥膩, 二黎怕成間屋都油煙味. 就算開左抽油煙機, 都一定要開窗通下風, 仲要記得關房門呀, 雖然間房喺二樓! ;P

間唔中整下都幾 OK.. 我嘅做法係喺蛋汁度加左七味唐からし同埋蒜蓉芫茜粉, 香口惹味 d 同埋癖咁 d 鯹. 最正係個汁, 最好同個龍脷柳分開上, 食嗰陣先畢 d 汁喺面, 咁樣送飯一流. 粟米汁又甜又滑又有蛋香呢!

材料:
龍脷柳半包、粟米蓉一罐、雞蛋兩隻、生粉半杯、雞湯兩湯匙、鹽、胡椒粉、七味唐からし、蒜蓉芫茜粉各少許

做法:
1. 龍脷柳解凍, 切件洗淨, 用 paper towel 印乾水份, 塗抹少許鹽、胡椒粉於龍脷柳上, 備用。
2. 生粉放碟備用; 雞蛋一隻先打匀, 加入少許七味唐からし、蒜蓉芫茜粉拌勻放平底碗備用。
3. 熱鑊落油, 比平時多少少油, 龍脷柳沾上蛋汁, 再撲上生粉, 逐一落鑊半煎炸至金黃, 兜起。
4. 粟米蓉放細煲內加雞湯煮滾, 加入另一隻雞蛋攪拌成蛋花, 加少許鹽打薄芡搞掂。

備註:
- 煎時唔好反太多次, 每塊最多反三次好喇, 睇實個火就 OK, 如果唔係 d 魚塊好易散.
- 油要夠熱同埋唔好同一時間放好多塊落鑊, 如果唔係 d 油嘅溫度急降, d 魚塊就會好吸油.

鰻魚飯 Unagi-don うなぎどん

在家焗鰻魚, 當然沒有蓬萊軒炭燒的好吃（不能比較吧～). 但也大概可以滿足一些情意結. 就是簡單一餐, 買經已處理好的 frozen 鰻魚解凍, 再放焗爐焗大約 18分鐘左右, 加一些鰻魚醬料, 方便快捷. 有心思的話還可以煎薄薄蛋片, 切成絲, 放飯中一起吃. Oishikatta desu!

正在掛念名古屋蓬萊軒無敵激好味的 ひつまぶし鰻魚飯定食. 它, 是一道在名古屋非吃不可的東西. 它, 好味的程度勘稱: 若沒有吃過蓬萊軒的鰻魚飯，別說吃過鰻魚飯. XD

還記得由東京坐新幹線到名古屋看 Smap 演唱會, 再去蓬萊軒吃非一般的鰻魚飯, 教人一直念念不忘. 在日本坐新幹線過省不便宜, 計劃好, 可以預早買張 JR pass, 就比較化算. 由東京坐新幹線到名古屋差不多一個多小時. 還算不錯啦~

http://www.houraiken.com/
我要再去名古屋.

焗游水立魚: 魚蝦菜一餐

趁後生, 要食多 d 海鮮!~ 由細到大都愛食魚, 其中一個原因係我爸爸鐘意出海釣魚. 佢係香港業餘釣魚會嘅永譽會長~ 我地一家人都好有口福, 食到爸爸親自釣嘅海魚, 真係超好味架!~ 講開又講, 都已經好耐無機會食 lu. 懷念中! 不過唔緊要. 魚好有營養就係人都知. 雖然 e 條立魚仔唔係 d 咩深水靚魚, 但係佢嘅營養價值都一樣咁高架. 唔好睇少佢. 食魚, 最緊要條魚夠新鮮. 我地無咁大隻碟, 無咁大個鑊去蒸嗎? 唔緊要. 攞去焗, 一樣咁好食!~ 至於蝦同埋小棠菜, 白灼白烚, 已經好好食喇!~ e 餐好滿足呀!~ 快樂, 其實可以好簡單!~ ^^

焗游水立魚

材料:
立魚一條、薑、蔥、蒸魚豉油各適量

做法:
1. 去 market 買條游水立魚, 賣魚勝會幫你劏埋, 刮埋魚鱗架喇, 好方便!
2. 帶條魚返屋企, 補刮一些賣魚勝刮漏左嘅魚鱗, 沖洗乾淨, 用 paper towel 印乾水份。 唔洗驚, 條魚唔會咬人嘅~
3. 蔥切段, 薑切絲備用。
4. 焗盤放鍚紙, 將幾條粗蔥段放焗盤上, 魚兒放蔥段上, 再加薑絲和其餘的蔥段在魚兒上面和魚肚內。 把四邊錫紙摺起, 蓋住魚兒。
5. 放入已預熱 400 ˚F 的焗爐, 焗大約 18 至 20 分鐘 (睇條魚幾大 lor, 大條 d 就要焗耐 d~), 淋上蒸魚豉油, 搞掂。