焗脆皮鹽焗雞脾

可憐雞脾俾我去肥後再焗就變成唔靚脾兩大隻. 如果你想隻脾靚 d 就唔好好似我咁去晒 d 肥嘅部份啦, 原隻攞去焗就無問題.. 焗起黎都幾脆皮, 又唔洗炸. 記得喺焗盤上鋪張錫紙, 唔係有排洗呀!~

材料:
雞脾、鹽焗雞粉、薑、紹酒、油

做法:
1. 雞脾洗淨去肥抹乾, 塗上薑汁酒放密實袋放雪櫃醃過夜。
2. 用鹽焗雞粉塗匀全隻雞脾, 再醃一會。
3. 另外於小碗中把少許油和鹽焗雞粉撈匀備用。
4. 雞脾放焗爐用 400˚F 焗大約 25分鐘, 用掃將鹽焗雞粉油塗於雞脾上再焗三分鐘即成。

備註:
- 隻脾喺入爐前越乾身越好, 個皮會脆 d