燒賣兩食 Shu Mai

平時去飲茶我唔多好燒賣, 因為覺得食落成口肥豬肉, 唔係幾鍾意囉~
自家製燒賣真材實料無咁多肥豬肉, 又多冬菇又多蝦, 仲加左蟹籽係面, 我就好鍾意喇!!~ heehee 下次要挑戰香港 7-11 魚肉燒賣 - 我至愛!!~ ;D



過左黎美國好少可以食到好味嘅燒賣, 邊有身處香港咁幸福 wor. 想食唯有自己整!!


整多 d 放入冰箱冷凍隨時可以叮黎食!! 正~

材料:
絞豬肉、蝦仁、冬菇、蟹籽、雞湯、豉油、糖、燒賣皮

做法:
1. 蝦洗淨去殼去腸抹乾用鹽&生粉放雪櫃醃一陣, 然後切細細粒備用。
2. 冬菇浸軟去蒂切粒, 用蠔油醃。 絞豬肉用少許雞湯、豉油&糖醃備用。
3. 絞豬肉、蝦仁、冬菇粒拌勻, 用燒賣皮包到粒粒差唔多大小, 上面放蟹籽, 大火蒸十分鐘搞掂食得。


用剩左 d 燒賣皮, 包左幾粒做雲吞, 煮埋 d 剪左出黎的燒賣皮嘅角唔好嘥(浪費)加 d 湯加 d 蔥粒搖身一變又變左碗雲吞湯!

備註:
- 用圓形皮包燒賣比較好包, 但 e 邊好難買到圓形皮, 所以包完要修剪一下 d 角~
- 燒賣皮其實咪即係薄嘅雲吞皮囉~