瑤柱咸瘦肉粥 Porridge with Pork and Dried Scallops

e 幾日病咗呀... >.<
感冒連帶發燒喉嚨痛咳嗽頭痛鼻水齊晒.. 頂唔順請咗日假休息, 係咁 zzz 同埋勁飲水, 希望快 d 好番啦 !

煲左個瑤柱咸瘦肉粥仔食吓..

材料：
瘦肉一舊、瑤柱兩粒、腐竹一塊、薑兩片、米、油、鹽、水

做法：
1. 瘦肉洗淨切件飛水，滴乾水用鹽醃一小時備用。
2. 米洗淨，把水倒去，加少許油和鹽浸一小時備用。
3. 瑤柱用清水浸軟，撕開一絲絲備用。
4. 用 1:10 份量的 米:水，即一份米對十份水．水煲滾，放瘦肉、瑤柱和薑煮十五分鐘。
5. 加入米和腐竹，再放一隻小匙羹，中火煲一小時（要一路微滾），搞掂食得。